صدقيني ومتخافيش

صدقينى ومتخافيش

ودعت قبلك ألف واحده ماهمنيش

أنا مش هاموت أنا لسه هاعيش

أصل الطعنه جت من قلب مشاعره بارده

مش هاتأثر متخافيش

الجرح بيوجع بس خلاص مش هاعتبك

أصلك قاسيه ماتستهليش

دى دموعى بتغسل كل نظره

شفتها عينيا يوم عينيكى

او كل كلمه حلوه نطقها قلبى فـ يوم كانت ليكى

دلوقتى خلاص انا هنت عليكى

وإيه ياعنى

ماتقلقيش

هاقدر

أهون يوم عليا لحظة بعادك

أصمد أثور أتحدى فيها يوم عنادك

مهما تقولى كلمة أسفه

مش هتنفع ...........!

أصل ياعينى الوقت فاتك

فـ بحذرك

ماتقربليش

انا قلبى

ممكن ينسى قلب خاف عليه

لكن مش ممكن ينسى قلب جرح قلبه وبكى عينيه

فـ برغم بعدك

وإجتنابك

وقسوة قلبك

إللى فى كلامك

صدقينى ومتخافيش

ودعت قبلك ألف وحده ماهمنيش

مهما قلبى كان وجعنى يوم فى بعدك

وإيــــــه يعنـــــى

مش هموت .....

لكن هاعيش .....

صدقينى و ماتستغربيش