الحلقه الرابعه من ( الجزء الاول)

الحب

ترددت أن أكتب فلم أشأ أن أكون مثل عواجيز الفرح ...
كل حاجة يعقدوها ...
ولكني استخرت وتوكلت على الله ... وأهي كلمة ربما تحتاجونها أو يحتاجها بعضكم يوماً ما
الحب موجود ................................ نعم
كل إنسان ممكن يحب: ملتزم.غير ملتزم.كبير.صغير...... نعم

ولكن

هل ما يحدث بين الشباب هو الحب ؟؟؟؟ أنا أقول لآ
حتى لو فكر حين رآها أنها زوجة المستقبل
حتى لو شعر حين رآها أنه عثر على ضالته ونصفه الآخر
حتى لو عششت صورتها وصوتها في رأسه وأصبح يرى الدنيا بنور عينيها
ده مش حب
منهم لله اللي عملوه حب ....... وسموه حب ...
ميعوا قيمة ومعنى أسمى المشاعر وأغلاها وأرقاها
نظرة فابتسامة
بعيد عنك حياتي عذاب
أول مرة تحب يا قلبي
ما علينا
عموما
هناك مشاعر تنشأ في نفوس الشباب ولن نطلق عليها اسماً واحداً ... فهي خليط من الإعجاب والانجذاب الجسدي .. والتوافق الفكري .... بالعربى جم لبعض على موجة واحدة في لحظة واحدة
طيب
أنا أقول من الأفضل قفل الباب بتاعها : غضوا البصر
فيه كليات التعامل فيها لا يسمح بغض البصر
صح

ولكن
القلب من التقلب
ولو هذه المشاعر حب حقيقي ما وجدنا طلاق وخناق ومحاكم
ده أغلب الناس بتتجوز عن حب اليومين دول
الحب نبتة صغيرة في العقل والقلب
هذه الحبة هي الإعجاب والراحة والانجذاب الجسدي ...
فلماذا ترويها وأنت لا تملك الأرض ؟

أي وأنت لا تستطيع أن تتقدم للزواج

1-قد تتغير مشاعرك بعض مضي السنين
2-قد تتغير مشاعرها بعد مضي السنين
3-قد يرفضها أهلك تعسفاً أو بسبب مقنع ولكنه رفض
4-قد يرفضك أهلها أيضاً تعسفاً أو لسبب مقنع وهو أيضاً رفض
5-قد تتزوجان بعد انتهاء الدراسة

لماذا تتجرع كأساً مراً أو تتجرعين كأس العلقم على احتمالية 20%
يا شباب الحكمة ضالة المؤمن
ومن لم يتعلم من غيره .. ولم يتدبر سنن الله في الأرض فلا يلومنّ إلا نفسه
كل جيل يظن أن الأجيال السابقة جافة ولا تفهم في المشاعر
أبداً ...من أيام ضحيت هنايا فداه
إلى حبيب حياتي و حبيبي يا نور العين
هذه هي الأجيال التي تسبقكم ... كله في الجامعة كان يحب
بالعكس أيامها كانوا بيتجوزوا
لأن التقليعة كانت عش اتنين فوق شجراية
وكنبة وقلة وكوباية
ما علينا.... هؤلاء هم جيل باباكم وجدكم
هم بس اكتشفوا أنها.. أي هذه المشاعر الصغيرة الجميلة ... لا تمت للحياة والسعادة والمودة والرحمة وتربية الأولاد وليالي السهر .... وأيام آخر الشهر .. وجمعيات الولادة ... وأقساط المدارس .... و........ و......... و........ بصلة
الحب فى البيت دفا ... وزوجة تقف مع زوجها لآخر المشوار بابتسامة وان جاعت وزوج يتمنى دائما أن يعود إلى عشها ليشاركها افكاره وآلامه ونجاحاته ... وهم الاتنين يبنوا لبكرة رجالة وستات تانية تشيل مسئولية بيوت تانية
الحب انه بعد 30 سنة زواج يمشى معاها في الشارع محتضنا يدها كأنهم حيخطفوها منه قرة العين ولحن الفؤاد
الحب انه بعد مايشيب ويفقد اغلب شعره وتظهر عروق يديه تنظر له بكل إعجاب الدنيا وحنانها ....

سامحوني
بس بيصعب على الوهم في أول العشرين .... لأن ثمنه يتم تحصيله في أول الثلاثين
وأحياناً في أسوأ الظروف يفضلوا يدفعوا تمنه لنهاية العمر ويدفع معاهم ناس عصافير وفراشات لم تكن حاضرة هذا المشهد المؤثر بتاع :
إيديك في إيدي وعينيك في عيني
بل ولدت بعده بزمان
صدقوني.

طبعاااا يا انزاجى وكالعاده رايك فمحله واوافقك في رايك

وبارك الله فيك وان شاء الله في ميزان حسناتك

بسم الله والصلاة والسلام على رسول الله

موضوعك جميل جداا يا عبدالله وانا معاك فى كل دا بس ليه تعليق بسيط وهو
رد على هذه الجملة

هل ما يحدث بين الشباب هو الحب ؟؟؟؟ أنا أقول لآ
مش كلها طبعا كده يا عبدالله فى حب حقيقى بجد فى الدنيا
يمكن مايكنش كتير هو قليل لانى فى شباب وبنات كتير بتكون عايزه يطلق عليها اسم مرتبط وخلاص
وعايزه تقليد غيرها وانهم يوهمو نفسهم بانهم كده بيحبه

بس دا مايمنعش انى فى حب حقيقى مش كله وهم وتقليد وخلاص
والدليل على كده انى فى ناس بتعيش على ذكرى حبهم اللى انتهى
بقيت ذكرى بس هما مش عايزين اكتر من الذكرى وانهم ينتظرو حتى مع عدم وجود امل
اعتقد دا الحب نفسه من غير كلام من غير مقابلات مجرد ذكرى نعيش عليها

هودا بس تعليقى على الجمله دى
موضوعك جميل يل انزى
ومنتظره منك اى تعليق على ردى لو فيه حاجه مش صح

الحلقه الرابعه من ( الجزء الاول) Get-4-10

إقتبصي حاجه من القرأن والسنه بتدل علي حث الاسلام علي حب الشباب والبنات
وكمان بتشجع الاختلاط

بس انا مش قولت فى ردى انى فى اختلاط
بص الجمله دى فى ردى

اعتقد دا الحب نفسه من غير كلام من غير مقابلات مجرد ذكرى نعيش عليها

لانى انا مش بحب الاختلاط اصلا ولا بعترف بالمقابلات والكلام الشخصى بين طرفين باسم الارتباط

انا قولت حب وذكرى ومعتقدش انى الحب بايدينا نمنعه لانه زى المرض الانسان مش بيكون له دخل فيه
[/size]

الحب خالص لله وحده صح

cheers

بالرغم اني رديت على التوبيك ده مره قبل كده ..
بس الصوره مكانتش واضحه لياا بالنسبه للموضوع ده
انما دلوقت الحمد لله

طبعاا الحب انواع كتير بس بما ان موضوعك عن الحب بين ولد وبنت واللى بيحصل دلوقت
فهيكون رايي فى كده
اولاا واهم حاجه اللى يكون فى قلب البني ادم قبل اى حاجه حب الله
واللى بعد كده بقى يبقى حب فى الله

الحب ده حاجه مش بايد البني ادم وميقدرش يتحكم فيهاا خااااااالص
بدليل الحديث ده

عن عائشة رضي الله عنها قالت: كان رسول صلى الله عليه وسلم يقسم بين نسائه فيعدل، ويقول: اللهم هذا فعلي فيما أملك فلا تلمني فيما تملك ولا أملك

فاللى يتفهم من هنا ان الحب ده شىء بيبقى بأمر ربنا واكيد ده مش ذنب نتحاسب عليه لانو مش بمزاجنا يعني

اما بقى عن اللى بيحصل مع الاغلب دلوقت
من رايي انهم اه ممكن يكونو بيحبو بعض انما ترجمو حبهم ده غلط
وده ممكن يكون من عدم فهم او قله معرفه بالدين واكيد اكيد اللى بيحصل من معظم الشباب والبنات دلوقت مفيهوش مراعاه لربنا اساساا
وسبحان الله بيبقى اللى كده مش مرتاحين ولا راضيين عن نفسهم
ربنا خلق فيناا العاطفه بس بردو العظيم عرفنا الطريق اللى تمشي فيه العاطفه دي
غير كده بقى ..يبقى مش صح وتوهان

ربنا يهدينا جميعااا للصح ومنتوهش .....اللهم امين
وجزاك الله خير يا انزي عالموضوع

mervat كتب:: عن عائشة رضي الله عنها قالت: كان رسول صلى الله عليه وسلم يقسم بين نسائه فيعدل، ويقول: اللهم هذا فعلي فيما أملك فلا تلمني فيما تملك ولا أملك

اما بقى عن اللى بيحصل مع الاغلب دلوقت
من رايي انهم اه ممكن يكونو بيحبو بعض انما ترجمو حبهم ده غلط
وده ممكن يكون من عدم فهم او قله معرفه بالدين واكيد اكيد اللى بيحصل من معظم الشباب والبنات دلوقت مفيهوش مراعاه لربنا اساساا
وسبحان الله بيبقى اللى كده مش مرتاحين ولا راضيين عن نفسهم
ربنا خلق فيناا العاطفه بس بردو العظيم عرفنا الطريق اللى تمشي فيه العاطفه دي
غير كده بقى ..يبقى مش صح وتوهان

ربنا يهدينا جميعااا للصح ومنتوهش .....اللهم امين

وجزاكي الله خيرا علي التعليق