اسئله تخنوق

موضوع: اسئله تخنوق 06.06.08 17:33

فيه أسئلة بديهية مالهاش اي لزمة في الدنيا
بنتعرّض ليها كل يوم من كل الناس

خلـونـــا نشــوف أمثلة

***********

إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟

(( أظن ده مش وضع الرقص !!! واضح ان انا هنام ))

*************
انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟

(( لا لسه ))

**************

والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه

(( !!! لاء دانا لسه راجع ))

***************

أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟

(( لا.. العربية واحشاني ))

*****************

مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟

(( لا.. بتفرّج عليه ))

***************

مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟

(( تقوم رامي الكتاب و تقوله لااااااااء ))

****************

ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟

(( لاء.. هفرطها و أسلقها ))

****************

ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟

(( لاء.. طالبها اخنق على نفسي ))

******************

أو مثلا في العيد

المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير

(( أكيد يعني مش هيقولهم البقاء لله ))

***************

,,,المذيعة الظريفـة : وياترى بقى هتعملوا ايه العيد ده هتقضوه ازاي ؟
أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين

(( سبتيله ايه يقوله يارخمة ؟ ))

*****************

والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟

(( يعني أساسي الواد لسه ما طلعلوش عرق الندالة علشان يقول لأ )

موضوع: رد: اسئله تخنوق 06.06.08 20:06

هههههههههههههههههههه

عثل و ربنا

عارفة؟ كل ما ادخل الفصل تطلع لى عيله غلسه تقولى احنا هناخد حاجة النهاردة ؟؟

بصراحه ببقى هطق ارد عليها و اقولها لا طبعا احنا هنرقص شوية و نروح هههههههههههههههههههههه

موضوع: رد: اسئله تخنوق 06.06.08 20:28

وربنا انتو عثثثثثثثثثثثثثثثثثثثل هههههههههههههههههههههههههه
بس على فكرة يا ريمو احنا كل ما الدكتور يدخل عندنا المدرج نساله نفس السؤال اللى انتى بتتسئليه
دكتور دكتور هو فى محاضرة النهاردة ؟؟؟؟؟؟؟؟؟؟؟؟؟؟؟؟؟هههههههههههههههههههههههه
اما بالنسبة لــــــــــــــ
ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟

انا عن نفسى عمر ماما وبابا مش شافونى فى الوضع البشع ده
ههههههههههههههههههههههههههههههههههههههههههههه

موضوع: رد: اسئله تخنوق 18.06.08 18:42

كل مره اجى انام فيها اخواتى او اى حد ينادو عليا
انتى نمتى ارود عليهم اقولهم اه نمت اذاه وانا برد غلاسه بقا

موضوع: رد: اسئله تخنوق 23.06.08 0:31

على فكرة يا شهد موقف المذاكرة دا حصل معايا فى الثانوية لان مش كنت بذاكر هههههههههه لان مش كنت طايق نفسى والحمد الله جبت مجموع زى العسل عارفة جبت كام كان اخر سنة ثانوية جبت 85%

موضوع: رد: اسئله تخنوق 06.08.08 22:26

شكرا على مروركم جميعا
هههههههههههههههههههههههههه
هى فعلا اسئله تخنق