العلاقة بين الولد والبنت ......ادخل قول رأيك

السلام عليكم ورحمة الله وبركاته

انا انهاردة مش هنزل موضوع ولكن عايزة اعرف رأيكم في حاجة مهمة جدا ..

ياريت الكل يقولي

ايه رأيه في العلاقة بين الولد والبنت بشكل عام

يعني كل واحد يقول رأية في العلاقة اللي بتربط بين ولد وبنت

انا على مشارف دخل الجامعة حيث الاختلاط والتعارفات والصداقات والخروجات

وبصراحة انا خايفة جدا من جو الجامعة

كل واحد ليه رأي

يعني مثلا انا سألت ماما قالت ان علاقتي بالاولاد لازم تكون زمالة وبس

والكلام يكون داخل حدود الجامعة وبس مش اكتر والكلام يكون في الدراسة وفي المواضيع العامة

وفي ناس تانية بتقولي ودول دخلوا جامعة بقا واتخرجوا

قالوا ان تكوين الصداقات مهم جدا لان دي اللي بتسيب الذكريات الحلوة فيما بعد وكل اللي دخلوا الجامعة وكونوا صداقات كانوا مبسوطين وسعداء

حتى بعد التخرج فضلوا على تواصل لحد ما فرقت الصداقات الظروف الحياتية

وكل ما يفتكروا الايام بتاعت الجامعة بيقولوا ياريتها ترجع تاني

المعروف عن الوقت ده انه بيتميز اننا بنكون في مرحلة الشباب والمرح والضحك والفرح

فهل ده صح ولا ايه
؟؟؟؟؟؟؟؟؟؟؟؟؟؟

طبعا فيه بنات بتعرف اولاد في الجامعة وممكن تحصل بينها وبين واحد من اصدقائها قصة حب

فيكون ده حبيبها

يعني مثال

يبقى احمد اخو نورة ........هو مش اخوها بس زي اخوها

ممكن يبقا معاه رقم موبايلها وتحكي له اسرارها وبيكون زي الاخ ليها تماما بيتصرف كأنه اخوها
وبينصحها على طول

مثال اخر

تامر صديق نورة .....حدود علاقتهم بيكون داخل الجامعة وبس ممكن يكون معاهم ارقام مبيلات بعض بس العلاقة بتكون سطحية

يعني يشوفها يسلم عليها يعرف اخبارها ...يساعدها في المذاكرة وكده فده بيكون صديق او زميل مش عارفة بس مفهوم الزمالة اعتقد انه اختفى من زمان ..فيه بردوا اصدقاء بيخرجوا سوا

مثال اخييييييييييييير

عباس حبيب نورا .............ده بقا علاقته بيها بتكون فوق كده يعني حب وغراميات ووعود

وكلام من ده طبعا بيعشمها بالجواز بس اهم بيقضوها والسلام ....بيقضوها خروجات وفسح على الكورنيش والمشهد ده طبعا مألوف

الخلاصة ايه رأيك في علاقة الولد بالبنت ............وايه حدودها وايه ضوابطها ؟؟؟؟؟؟؟؟؟

واتمنى التفاعل مع الموضوع وابداء الرأي فيه

انا حابة اقول رأيي

وهو اني بأيد علاقة الاخوة اللي انا ذكرتها دي بتكون فعلا ليها حدود

يعني بيكلمها بس في مصلحتها

ااقصد بيكون ليها معنى تاني واحساس تاني

شيء جميل ان لد يقول لبنت انتي زي اختي تمام ومحب حد يضايقك او يعلق عليكي وانا بقول ده لمصلحتك

بينبهك لحاجات انتي مش واخده بالك منها

غير البنات اللي بيصاحبوا بعض وطول الوقت نازلين غيبة في بعض وعلاقتهم ببعض بتكون سيئة ومليانة مشاكل ومصالح

مش كل البنات طبعا بس اغلبهم

في الحقيقة انا صاحبت بنات كتير جدا واتخدعت في كل واحدة ...فقررت اني ميبقاش ليا اصدقاء

خااااااااااااالص لا ولاد ولا بنات

ولاد لاني خايفة منهم ومش عارفة الحدود بيني وبينهم تكون ازاي

وبنات عشان بتفرس منهم

اسفة على الاطالة

السلام ختام
***********************************
Nadaaaaaaaaaaaaa

العلاقة بين الولد والبنت ......ادخل قول رأيك Images24

بسم الله الرحمن لرحيم
*
*
*
موضوعك حلو يا قمر والمفروض انه هيفيد ناس كتير
وده طبعا لما كل عضو يدخل ويقول رايه
*
*
*
*
انا عن نفسى ليا راى *
*
*
*
*
البنت هى اللى بتقدر تحدد العلاقة بينها وبين الولد
سواء علاقة زماله او علاقة اخوية او علاقة حب مثلا
وسورى فى الكلمة يعنى ... متصدقيش الولد اللى بيقولك انتى زى اختى
لان 99.9% من الولاد بيقولو الكلمة دى ومش بينفذوها
بيبقا مجرد كلام بس عشان يتكلم معاكى بحريته مانتو خوات بقا
قليل جدا لو لقيتى ولد كويس وبيعامل ربنا فى اى بنت عارفها وبيحترمها ويعتبرها اخته فعلا

بازن الله لما تدخلى الجامعة خلى علاقتك كلها زى ما مامتك قالتلك
علاقة زمالة دراسة وبسسسسسس
عايز محاضرة خد هات والسلام عليكم وبس
مش تطولى فى كلامك مع اى ولد لان هما دماغهم دايما بتروح شمال
وانتى لو اعتبرتى ولد ما كويس واخ وبقيتى بتكلميه هو بس
اينعم باحترام وهو كمان محترم معاكى
بس صحابك وصحابه هيقولو ايه ده ؟ اشمعنا ده ؟
والكلام هيكتر وكلام ملوش لازمة
ويستحسن متلكميهمش اصلا ..... والله ما هيفيدوكى فى حاجة
هيجو ياخدو منك المحاضرات وبس
ههههههههههههههه
فانتى اسمعى كلام مامتك بس ومش كلام حد تانى
وفى الاول وفى الاخر دا ولد ولو زى اخوكى فهو مش اخوكى
ومحدش هيخاف عليكى غير اهلك وانتى وبس

ولو اتكلمتى .... يبقا تتكلمى بحذر تام ..... لان مش كله كويس ومش كله وحش
وربنا يارب يبعد عنك اى حد وحش

العلاقة بين الولد والبنت ......ادخل قول رأيك Mktob010

الا بالحق يا مويا هو انتي بتسمعي كلام ماما ولا انتي مسمعتهوش غير اليومين دول

انا كرهت اني اكون راجل بسببك
هههههههههههههههههههههههههههههههههههههههههه

بالرغم ان عندك حق الولد والبنت علاقتهم مش اخويه لسبب صغير

اسألي زميليك البيقولك انا زي اخوكي وقوليلو ترضي لاختك اخ زي ما انت قابلها عليها حاجه من الاتنين يا اما يطلع بجح ويقولك ومالو وده الرسول قال في حديث ومسميه ديوس والديوس المبيخفش علي اهل بيتو ومعندوش نخوه يا اما يطلع صريح ويقولك لاء مرداش وده نوع يعني شبه محترم شويه

لكن علاقه في حدود الزماله المحترمه ونحط تحت محترمه دي مليون خط يحسن الامور اليومين دول اتلخبطت خالص والموازين اتقلبت خالص

بوصي يا سيتي

الموضوع يتلخص في

مش كل البنات كويسين ومش كل الولاد وحشين

اللي ربنا كاتبه ليكي هاتشوفيه

بس كوني حريصه في احتيارك لزمايلك مش اكتر

وتكون الزماله في حدود
يعني مش تدخلي نفسك في علقات او حوارات انتي في غنى عنها
وهارجع اقولك الواحد مش بيتعلم ببلاش

وربنا يوفقك ان شاء الله
وينورلك طريقك بأذن الله