عارف لما تبقى مخنوق ...مخنوق بجد ...مش قادر خلاص
عارف لما احساس الخنقة النفسي دا يبتدي يتحول لاحساس ملموس
لما تحس زي ما يكون في حد ماسكك من زمارة رقبتك
او زي ما يكون حد شفط الهوا من حواليك
لما تحس انك فعلا عاجز عن التنفس
وانك هيجرالك حاجة بجد
عارف لما دموعك تغرقك من جوا
وانت مش قادر تطلعها برا عشان مش هينفع انت ماتبقاش قوي لانك كنت كتير اوي رمز للقوة
عارف اللحظة دي
عارف لما تقول لنفسك انا قوي الايمان ومافيش حاجة هتهزني لانه مهما حصل دا قضاء ربنا
عارف لما من كتر ما بتقول الكلمة دي لنفسك قربت تصاب بلا مبالاة
وقربت توصل لمرحلة ماعادش شيئ فارق وكله محصل بعضه
عارف كل دا
طيب كويس
اصل انا خلاص يظهر ما بقتش عارفه حاجة
معلش انا كلامى ملغبط لانى مش بعرف اقول اللى جوايا
انا نفسى ابعد عن اى مشاكل كام يوم بس مش اكتر
ونفسى القى كل الناس اللى بحبهم حواليا
نفسى اكون مطمنه نفسى القى جانبى حد يطمنى انى بكرة احلى من النهاردة
انا فى حاله ياس شديدة بجد مخنوقه
مش عارفه اعمل ايه والله؟؟!!
24.07.08 15:38
