mido9
عدد الرسائل : 42 الموقع : https://friendship2008.yoo7.com/ احترامك لقوانين المنتدى : تاريخ التسجيل : 19/06/2008
| موضوع: احلى حاجة فى فترة الخطوبة ...!!! 19.06.08 4:20 | |
| أجمل ما في الخطوبة العزومات الرومانسية على أحلى محلات أكل فى البلد واللي عمرك مش هتشوفيها بعد الجواز المهم نصائحي لك عند أي عزومة مع خطيبك
1-الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط .
2-الخبز ( العيش )أوعي تفضحينا وتقطعيه بسنانك ولا الرغيف نصين بأيدك وكل نص لقمة العيش بيتقطع بالسكينة فى الصحن وبعدين تاخدي لقمة لقمة شوية شوية قال يعني نفسك مسدودة اضغطي على أعصابك كويس وبعدين لما تروَّحي البيت إبقي كلي اللى انتى عايزاة
3- الشوربة بند الشوربة مهم جدا الشوربة تنشرب من غير صوت ابدا ومن غير ماتقعدي تنفخي فيها زى القهوجى اللى بينفخ فى حجر للزبون وطبعــاً تسيبي تلت الطبق ع الأقل مش تميليه عشان تشربيها لآخر نقطة
4- الرز طبعاً بيتاكل بالشوكة أوعي إيدك تتمد ع المعلقة وتغرفي من طبق الرز وتعبي إوعي الرز بالشوكة وكأنك بتبوسيه مش بتاكليه
5- المكرونةالاسباكتي
برضه بالشوكة تتلف على طرف الشوكة لحد ما تخلص وبعدين تحطيها فى بؤك من سكات مش تشفطي المكرونة عود عود
6- السمك مشكلة شوفي بتفصلي اللحم عن الشوك ..ازاى؟؟ تقطعي اللحم من النص بالطول وبعدين تفردي اللحم ع الجانبين ولما تخلصي ناحية متقلبيش السمكة.. شيلي السلسلة بالشوكة والسكينة وحطيها ف جنب الطبق وكملي أكل النص التاني وبدل الفيلم الهندي دة نصيحة ماتكليش السمك ابدا قولي مابحبش السمك وخلصي نفسك
7- الجمبري -أول ماطبق الجمبري ينزل.. بصى عليه بقرف واحتقار اوى آل يعني زهقانة من كتر أكل الجمبري وأتنهدي جامد وقولي.. برضه جمبري؟؟؟ وتروحي تقطعى راس الجمبري بالشوكة
8- البطاطا سواء مسلوقة أو محمرة أوعي تهرسيها وتدبيها على الرز لا... بالشوكة شوية شوية وإنتى زي ما تكوني هاتعيطي من كتر ما البطاطا صعبانة عليكي
9-الفواكه لو الفواكه فيها بذر.. طلعي البذر بالراحة وحطيه فى إيدك وهي مقفولة وبعدين حطيه في طفاية الدخان(سجاير) اللي على الطرابيزة
10- ولما تخلصي أكل تحطي إيدك على بطنك اللي عصافيرها بتصوصو من العينات اللي أكلتيها.. وتقولي له مش ممكن أنا عمري ما اكلت زى كدة ابداااً أنا قدامي أسبوع مش هعرف احط حاجة فى بطنى وبعدين تمسكي الفوطة اللي دايمًا موجودة على الطربيزة من غير لازمة وتبوسيها آل يعني بتمسحي بؤك وبعدين تستأذني منه لدخول التوليت علشان تصلحى ماكياجك
وتدخلي التواليت وتطلعي من شنطة إيديك سندويس الطعمية اللى منقوشة بالسمسم
وبالهنا والشفـــاء :D :D :D :D :D | |
|
Shahd Elmalika Admin
عدد الرسائل : 1053 الموقع : https://friendship2008.yoo7.com مزاجك اليوم : الهواية : احترامك لقوانين المنتدى : نقاط التميز : 100 تاريخ التسجيل : 04/06/2008
| موضوع: رد: احلى حاجة فى فترة الخطوبة ...!!! 26.06.08 18:51 | |
| | |
|
heromedo مشرف على اسلاميات وعالم ادم
عدد الرسائل : 509 العمر : 38 الموقع : https://friendship2008.yoo7.com/ مزاجك اليوم : الهواية : احترامك لقوانين المنتدى : تاريخ التسجيل : 16/06/2008
| موضوع: رد: احلى حاجة فى فترة الخطوبة ...!!! 26.06.08 19:42 | |
| ههههههههههههههههههههههههههههه بجد يا ميدو عندك حق الوحدة بتعمل نفسه رقيقة ونسمة في اكله وتقول لك مش قدرة خلاص وبعدين...... ربنا يستر هايل يا ميدو نريد المزيد | |
|
Wa3d El3ion
عدد الرسائل : 135 الموقع : https://friendship2008.yoo7.com مزاجك اليوم : الهواية : احترامك لقوانين المنتدى : تاريخ التسجيل : 16/06/2008
| موضوع: رد: احلى حاجة فى فترة الخطوبة ...!!! 28.06.08 15:43 | |
| ههههههههههههههههه اه فعلا معاك حق يا ميدو هو دا اللى بيحصل فعلا بس بعد الجواز كله بيتغير جميل بجد يا ميدو ربنا معاك | |
|
تيمور والحب مشرف على عالم السينما
عدد الرسائل : 100 الموقع : https://friendship2008.yoo7.com/ احترامك لقوانين المنتدى : تاريخ التسجيل : 19/06/2008
| موضوع: رد: احلى حاجة فى فترة الخطوبة ...!!! 28.06.08 18:22 | |
| هههههههههههههههههههههههه انا مش عارف اقولك اية لان الكلام دا بيحصل بجد بس بجد هايل يا ميدو يا سلام يا سلام علشان بس تعرفوا البنات بتبقى اية فى الاول وبعد كدة اية فى الجواز هههههههههههههههههههههه والله انا بضحك من قلبى بس الموضوع جميل | |
|